U3F1ZWV6ZTI2MTM4MTE3MjI1MjU3X0ZyZWUxNjQ5MDE4NDUzMTExNw==

بداية البنطلون الجينز

وراء كل اختراع قصة وحكاية لا تنسى
ودورنا هنا ان نقوم فقط بالتذكير بهذه القصص والحكايات
وقصة اليوم عن اختراع منتشر حتى يومنا هذا وهو البنطلون الجينز ...

بداية البنطلون الجينز


ازاى البنطلون الجينز ظهر وأزاى بقى هو الموضة المسيطرة في العالم كله
بداية البنطلون الجينز
بداية البنطلون الجينز

لازم الأول نعرف ازاى بدأت فكرة البنطلون بصفة عامة

ظهرت فكرة البطلون بصفة عامة في العام السادس قبل الميلاد ..... يعنى الحكاية مش جديدة ولا حاجة ولا الموضة هي اللى عملتها من 100 سنة ولا حتى 200 سنة

لان اليونان والفرس، عرفوه من زمان وفضل يتطور على مر السنين لحد ما وصل إلى أحدث صيحاته اللى احنا شايفنها في 2020

يعنى ما بين العام السادس قبل الميلاد لحد 2020، كان في أساليب مختلفة وحكايات مشوقة عن حته القماش دي اللى مكانش بيلبسها غير الرجالة بس، ثم انفتح العالم وبقى البنطلون بيليق على الرجال والنساء معًا.

طب ازاى بدات  الحكاية

البداية
كان الخيالة في بلاد اليونان والفرس هما أول من عرفوا البنطلون، لانهم كانوا بيلبسوه لما بيركبوا الخيل، وكان بسيط اوى عبارة عن حتة قماش بيفصلوها على شكل ساقين مفتوحة من الأعلى والأسفل، وكان وقتها بيخيطوه للرجاله بس يعني مكانش من الهدوم العادية اللى ممكن تتلبس فى اى وقت
وتمر السنين وتتنقل فكرة البنطلون  لأوروبا و دول كتير فى العالم، 

وفي القرن السادس عشر الميلادي، بقى قطعة عادية يتم بتتلبس بأشكال مختلفة.

بنطال بقطعتين
في بداية ابتكار البنطال، مكانش هو ده شكله اللى نعرفه، كانوا بيفصلوه كل قطعة تغطي كل ساق وحدها، وبعدين يربطوهم مع بعض بحاجة تتسمى  " الدوبليه"، ولكن مع مرور السنين، بدأ ابتكار فكرة جديدة وهي انهم يضموا القطعتين مع بعض بدل من تغطية كل ساق لوحدها.

 وكان فيه منه الطويل والقصير، وكانت كل طبقة من طبقات المجتمع يلبسوا استايل معين من البنطلون، وفي الوقت ده كان البنطلون بيلبسوه الرجاله بس.


اختراع الجينز

وفي عام 1837، حدثت ثورة كبيرة في تاريخ اختراع البنطلون، لما أخترع ليفي شتراوس فكرة البنطلون الجينز الذي غير صيحات الموضة حول العالم، بمختلف الأطياف والثقافات، واكتشف هذا الاختراع بمحض الصدفة حين كان يعمل مصمم السراويل اللى بيلبسها عمال مناجم الذهب والمعادن، واكتشف نوع قماش متين كان يستخدم في صناعة أشرعة المراكب، فقرر أن يبتكر فكرته في استخدام هذا القماش في حياكة بنطال جينز خلال رحلته في مدينة " نيم الفرنسية"، وكان بيسميه في البداية اسم "الدنيم"، وكان لبس خاص للبحارة في مدينة " جنوا " الإيطالية، ومن هنا جيه تعديل الاسم علشان يبقى "الجينز".

ومنذ ابتكار البنطال الجينز وتنوعت صيحاته تحت مسمى الموضة، ومع بداية القرن العشرين كان البنطلون القماش قطعة أساسية في خزانة الرجال.

لحد منتصف القرن العشرين، بدأ البنطال في غزو خزانات النساء علشان يبقى الكل بيلبسه بطريقته الخاصة.

البنطلون للنساء كمان

أفلام زمان والأبيض وأسود كانت اكبر دليل على لبس النساء للبنطلون، فكان بسيطًا غير متكلف، لبسته سعاد حسني، شادية، وصباح، وبدأ يتطور بأشكال واستايلات مختلفة، منها القماش، والمجسم، حتى سبعينيات القرن الماضي ظهرت صيحة البنطلون "الشارلستون" ابو رجول واسعة، وكان متاحًا للرجاله والنساء.

واستمرت موضة الشارلستون لحد ما ابتكروا  صيحة تانية جديدة في تسعينيات القرن الماضي، علشان ترجع موضة البنطلون الجينز الضيق، وبعدبن بدات موضة البنطلون الباجي في الظهور، وكانت أيضًا متوفرة للرجال والنساء.

ومنذ بداية الألفية، وظهرت العديد من الصيحات الغريبة لاستايل البنطلون، منها الشفاف، السكيني، البنطال المقطع، وذو السلاسل وغيرها من المسميات اللى بتيجي تحت مسمى الموضة.

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة