U3F1ZWV6ZTI2MTM4MTE3MjI1MjU3X0ZyZWUxNjQ5MDE4NDUzMTExNw==

حكاية القماش الجينز

القماش الجينز
القماش الجينز

القماش الجينز ده قبل ما يبقى معروف وبيتعمل منه الهدوم الجينز

كان بيتعمل  في اوروبا وخصوصا ايطاليا من قرون فاتت وكانو بيستعملوه فى حاجات كتير زى اشرعة للسفن، لانه زى ما احنا عارفين  ان السفن ايام زمان كانت بتستخدم الاشرعة قبل ما تستخدم المحركات يعنى اساسا القماش ده كان بيتعمل للسفن

, وفي بعض الاوقات كانوا بيستخدموه كغطاء لحماية المركبات سواء اللى كانت بتجرها الخيول، او ( السيارات البدائية )، او استخدامه لصناعة الخيم واسباب استخدامه الكبير فى الوقت ده ، انه انتشرت في امريكا في الفترة دى انها ارض الذهب فهاجر الاوروبيين باعداد مهوله علشان يدوروا عن الذهب في المحاجر والجبال والانهار، والاعداد الكبيرة دى من البشر احتاجت الخيم علشان يباتوا فيها .

اما اسرار نجاح هذه القماشة والتي استخدموها كاشرعة للمراكب، والخيم، وكأغطية، فهي بكل بساطة، متانتها، وقدرتها على تحمل الكثير من العمل بها، والكثير من الضغط، فهي لا تتمزق بسهولة، وده ما خلاها في النهاية تبقى القماشة المعتمد عليها في جميع الحاجات والصناعات التي تحتاج لمادة يمكن الاعتماد عليها .

ازاى بتتعمل القماشة  دى :

فى ناس بتقول ان الجينز قماشة مصنوعة من القطن، فاية اللى يخليها افضل وامتن من باقي انواع الاقمشة المصنوعة من ذات الخامة ؟ والجواب هو في طريقة صناعتها والمواد اللى بتضاف لها علشان تكتسب متانتها وفى نفس الوقت المرونة وواللى بقت صفة تلازمها، فخيوطها يتم فتلها وبرمها لعدة مرات وبقوة، وكان زمان بيعملوها يدويا وبواسطة اسياخ كتيره وبعدها يجي افراد معينون يبروموها مع الخيوط علشان المتانة دى ، واللى بيزيد من متانة القماشة دى غسيلها مرات كتيرة وتنشيفها، وزمان ده كان بيحصل  وسط سائل ازرق اللون ولسبع مرات ورا بعض، والعملية دى كانت بتزيد الخيوط المتانة، واللون الازرق، وهو اللون اللى اشتهرت بيه وبقى مسيطر عليها، لحد ما بعد كده استخدموا صبغات تانية علشان يدوهخا الوان تانية وده بعد ما بقى الجينز موضة عالمية وبيستخدموه في صناعة الازياء،

ولكن مين كان يتصور ان هذا الجينز هيدخل عالم الازياء، لو قلت الحكاية دى قبل مية وخمسين سنة كنت شوفت الناس الاغنياء بيضحكوا عليك ويهروك تريقة!!!

القماش ده بقى اشتهر ليه؟؟؟

  1. علشان متانته وقدرته على تحمل الكثير من اللبس والغسيل .
  2. مريح جدا للبس والاستخدام اليومي .
  3. ممكن نفصل منه حاجات كتير بنطلون وقميص، وجاكيت، وكمان حذاء .
  4. تطبيق العديد من الموديلات عليه، وحسب الموضة في تلك الفترة .
  5. يمكن لبسه حتى لو تغيير

اية اللى ممكن ناخده عليه؟؟

  1. بتوع البيئة بيقولوا ان انتاجه بيخلينا نضحى بكميات هايلة من الميه، لانه بيحتاج للغسيل كذا مرة وبكميات كبيرة، ومع الزيادة الهايلة في انتاجه بقى بيستهلك كميات عالية من الميه،وفى نفس الوقت بقت مصانعه مصدر لتلوث البيئة المحيطة .
  2. والدكاتره بيقولوا ان الموديلات الضيقة منه تؤثر على الخصوبة عند الرجال والنساء .
  3. انواع الجيدة منه، مرتفعة السعر جدا

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة