U3F1ZWV6ZTI2MTM4MTE3MjI1MjU3X0ZyZWUxNjQ5MDE4NDUzMTExNw==

مخترع البنطلون الجينز

 

ليفى شتراوس
مخترع الجينز

اصل تسمية البنطلون الجينز

بترجع  اصل كلمه الجينز الى مدينة جنوة الايطالية والتى كان بيتعمل فيها النوع ده من القماش القطنى والتى كانت معروفة بالانجليزية باسم "جينز"

مخترع البنطلون الجينز :

من حوالى 147 سنة طلع راجل اسمه ليفى شتراوس وعملنا حاجة كل خلق الله عارفينها لحد دلوقتى واسمها (البنطلون الجينز)

اية هى بقى حكاية الجدع ده وازاى عملنا الاختراع الرهيب ده واللى لسة كل الناس عارفينه لحد دلوقتى

تعالوا معانا نشوف حكايته اية .....

 ليفي شتراوس ده اتولد سنة 1829 م في ألمانيا وعيلته  يهودية، وهاجر وهو لسة عيل صغير مع امه واخته لأمريكا سنة 1847م، وقعدوا فى مدينة نيويورك

في سنة 1853 م  ليفي خد الجنسية الأمريكية، وسافر إلى سان فرانسيسكو يمكن ربنا يكرمه ويلاقى لقمة عيش هناك وخصوصا انه فى الفترة دى الناس كانت مجنونة بالبحث عن الذهب فى المناجم .

وفعلا هى كام سنة والدنيا زهزهت معاه وتجارته كبرت لانه كان بيعمل بناطيل من الخيش البنى علشان العمال اللى بيشتغلوا فى المناجم

بداية اختراع البنطلون الجينز

المشكلة اللى واجهت ليفى ان الخيش اللى كان بيعمل منه البناطيل كانت كميته قربت تخلص فقام راح وجاب قماش تانى تقيل وصبغه باللون الازرق 

لحد ما فى يوم من الايام وفى سنة 1872 جاتله رسالة من نيفادا من واحد اسمه جاكوب دافيز وده كان خياط بيتعامل معاه وقاله انه اشترى قماش جديد هيستخدمه بطريقة جديده يعمل بيها البناطيل وهيحط فيها مسامير معدنية فى اماكن معينة كده زي زوايا الجيوب بس المشكلة ان دايفز مكانش معاه فلوس علشان يسجل براءة الاختراع بتاعه

علشان كده اقترح على عم ليفى شتراوس انه هو اللى يمول المشروع مقابل ان اسمه يتحط معاه فى وثيقة براءة الاختراع

وفعلا فى 20 مايو 1873 خدوا براءة الاختراع وبقت الحكاية رسميى وبعدها انتشرت البناطيل الجينز فى العالم كله بقماشها الازرق وبقت ليه شعبية كبيرة جدا خصوصا بين عمال المناجم لانه بيتحمل الظروف الصعبة والبهدله والمرمطة

وكان البنطلون بيتباع بـ دولار وستع واربعين سنت وكان للرجال فقط لا غير وكان صعب اوى تلاقى حد من النساء فى الطبقة المتوسطة او الغنية

اية هو بقى القماش الجينز ده واية حكايته

هو ده اللى هنعرفه فى التدوينة اللى جاية باذن الله ،،،،

تابعونا....

 

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة